Fier ee Päerd ze behandelen, deplacéieren ech mech natierlech bei Iech an de Stall. Befiert déi eigentlech Behandlung stattfënnt muss ech mir Päerd awer mol ganz am Detail ukuken an machen dofir mol als éischt eng komplett Anamnese vun ärem Päerd dëst heescht ech stellen Iech als éischt mol ee ganze Koup Froen.
Wéi al ass Päerd?
Wou kennt et hier?
Wéi laang hutt dir et schonn?
Wéi gëtt et gehalen?
Wéi gëtt et geschafft?
….
No der Beuerteelung am Stand geet et da weider mat der Ganganlyse déi falls Méiglechkeet dozou besteet am beschte Fall ob haardem an ob melle Bueden soll gemaach ginn. Wärend der Ganganalyse kucken ech mir genau un ob iergendwou Problemer am Beweegungsoflaaf sinn, wéi Päerd seng Hufen opsetzt, ob Beweegungen fléissend duerch den Kierper ginn an nach villes méi.
Wéi gesäit eng Behandlung beim Päerd aus?
No der Ganganalyse maachen ech dann eng Palpatioun vum ganze Päerd dat heescht dat ganz Päerd gëtt eemol ofgetaascht fir ze kucken ob eventuell eppes waarm, kahl, geschwollen, besonnesch fest ass oder Päerd iergendwou mat enger Ofwiehreaktioun réagéiert.
No der Palpatioun machen ech dann nach Gelenkstestungen vun all den Gelenker, also wierklech vun Kapp bis Huf.
An da komme mir och schonn zu der eigentlecher Behandlung.
No der Behandlung kucken ech mir Päerd dann nach eng Kéier kuerz a Beweegung u fir ze kontrolléieren ob ech net eppes vergies hunn an alles erëm ob senger Platz ass.
No all Behandlung krit dir ëmmer nach e mëndlechen Resumé mat engem Trainingsplang an och spéitstens 1-2 Deeg no der Behandlung ee schreftlechen Rapport.
Wéini mécht et Sënn, säi Päerd behandelen ze loossen?
Physiotherapie kann a villen Situatiounen ugewant gi wéi zum Beispill no enger Operatioun oder Verletzung fir bei der Wondheelung ze helefen, Schounhaltungen ze korrigéieren oder Päerd mobil ze hale wärend der Boxerouh. Awer och wann de Suedel nei gemaach gouf oder Zänn korrigéiert gi si mécht et duerchaus Sënn mat der Physiotherapie der Muskulatur ze hëllefen, sech un déi nei Situatioun unzepassen.
Natierlech kann een och einfach sou reegelméisseg Physiotherapie maachen fir dem Päerd eppes Guddes ze doen an ze kontrolléieren ob alles ob senger Platz ass.
Päerd soll befiert ech kommen, am beschten Fall schonn gebotzt sinn, dreschen an net geschafft. Fir eng kloer Analyse kennen ze maachen muss Päerd sech an engem kalen Zoustand befannen. Ob Wiss an ob de Paddock däerfen se natierlech awer goe befiert ech kommen an och direkt dono ass dëst duerchaus erlaabt. Wéilang genau Päerd soll Paus kréien no der Behandlung hänkt vum Päerd, vun der Aarbecht déi et soll maachen a vun der Behandlung of.